Dóttir Mariu Corina Machado, Ana Corina Sosa Machado, tók í dag ímóti friðarheiðursløn Nobels vegna mammu sína.
Hetta hendir í hátíðarhaldi í norska høvuðsstaðnum, Oslu, sum verður sent í sjónvarpi.
Dóttirin varð fagna við lógvabrestum frá standandi áhoyrarum.
María Corina Machado er kend sum ein av stóru politisku kappingarneytunum og atfinnarunum hjá venesuelanska forsetanum Nicolás Maduro í heimlandinum.
Hon hevur búð í tí fjalda síðani 2024.
– Eg eri her vegna mammu mína, sum hevur savnað milliónir av venezuelanum, sigur Ana Corina Sosa Machado í røðu síni.
Nakað seinni avdúkar hon, at mamma hennara er um at koma til norska høvuðsstaðin.
– Sjálvt um hon ikki hevur havt møguleikan at verið her til hátíðarhaldið, so kann eg siga tykkum, at um nakrar tímar sleppa vit at fevna hana her í Oslo, sigur dóttirin við klárari rørdari rødd.
/Ritzau/
