Tað gongur skjótt fyri seg við Løkin um dagarnar. Fleiri nýggir leikarar eru lagdir afturat hópinum, og mánakvøldið kunngjørdi felagið á almennum tíðindafundi, at íslendingurin Sigurður Ragnar Eyðjólfsson skal venja Betri-liðið hjá monnum.
Í dag kunnger NSÍ á facebook síðu sínari, at málverjin Kristian Joensen hevur skrivað nýggjan sáttmála við felagið, sum er galdandi fyri kappingarárið 2026
Kristian er uppaldur í NSÍ, men hevur eisini ferðast nakað runt í føroyskum fótbólti. Hann hevur eisini umboðað KÍ, 07 Vestur, EB/Streym og B68.
Onkur tíðarskeið hevur Kristian eisini verið inni í landsliðshitanum.
