Ófriðarkropparnir hjá Hajduk Split hava sett síni grovu og djúpu spor í Havn seinastu dagarnar.
Í komandi viku verður tað slovakiski býurin, Ruzomberok sum fær eina innrás við ófriðarkroppum.
Ruzomberok er ikki nógv størri enn Havnin. Har búgva 27.000 fólk.
Leikvøllurin í Ruzomberok, Čebraťom Stadion hevur næstan sama áskoðarakapasitet sum Tórsvøllur. Áskoðarakapasiteturin er 4.876.
"Bert" 300 áskoðarar - um ein kann nevna teir tað - hjá Hajduk Split ferðaðust til Føroyar. Slovakia liggur ikki langt frá Kroatia, so tey kunnu vænta eina sanna innrás har.
Fyrri dysturin í triðja undanumfarinum í Conference League millum MTK Ruzomberok og Hajduk Split verður leiktur á Čebraťom leikvøllinum komandi hóskvøld klokkan 18.
Ruzomberok vann 2-0 og 1-0 á turkiska liðnum, Trabzonspor í øðrum undanumfarinum í Conference League.
Vónandi gongst slovakisku løgregluni og trygdarfólkunum væl komandi hóskvøld í Ruzomberok.
##med2##
