Sev skrivar, at nýggja appin er í App Store og Google Play.
Heimaløðistøðirnar eru fluttar yvir á nýggju skipanina, og almennu løðistøðirnar verða fluttar yvir fyrsta dagin. Tá tað er gjørt, verður verandi løðiportalur elbil.fo sløktur. Kunnað verður nærri um hetta seinni.
Ert tú elbilakundi, men hevur ikki fingið teldupost um nýggju appina, ert tú vælkomin at ringja til Elbiladeildina á tlf. 34 68 00.
- Nýggja appin fer at betra um upplivingarnar hjá elbilabrúkarum, sigur Uni Reinert Petersen, leiðari á Elbiladeildini hjá Sev.
Fyrimunir við nýggju elbil appini
- Stýr løðingini - heima og alment
Byrja og enda løðingar beinleiðis á appini. Legg eisini gjaldskortið inn fyri at gjalda ómakaleyst við appini. Løðispjaldur kann eisini nýtast.
- Snildløðing
Áset nær løðingin skal fara fram - til dømis tá streymurin er grønastur.
- Nýtsluyvirlit
Fá greitt yvirlit yvir farnar løðingar, herundir nýttar kWt og krónur, løðing fyri løðing og mánaða fyri mánaða.
- Kort yvir løðistøðir tú hevur atgongd til
Fá yvirlit yvir almennar løðistøðir, løðistøðir á tínum arbeiðsplássi, tína heimaløðistøð og møguligar aðrar, tú hevur fingið tillutað atgongd til.
- Reika
Stórt netverk við upp móti 1 mió. løðistøðum kring heimin. Elbil appin kann lættliga nýtast í útlondum eins og í Føroyum.
