Svenska kvinnulandsliðið í hondbólti skal spæla OL-hálvfinalu móti fronsku vertunum í Lille.
Tað gjørdist greitt aftaná Svøríki vann 36-32 á Ungarn aftaná longda leiktíð. Hálvfinalan hjá Svøríki hekk tó í einum klønum tráði, tí tær javnaðu til 29-29 tá bert fýra sekund vóru eftir av vanligu leiktíðini.
Í longdu leiktíðini var Svøríki greitt omaná. Longdu leiktíðina vann Svøríki 7-3.
Johanna Bundsen í svenska málinum gjørdi við heili 22 bjargingum sítt til, at Svøríki vann seg í hálvfinaluna.
Ungarn-Svøríki 32-36 (29-29 - 14-13)
Ungarn: Katrin Gitta Klujber 11, Petra Vámos 6, Csenge Kuczora 4, Viktória Gyri-Lukács 4, Petra Simon 3, Nadine Szöllsi-Schatzl 3, Petra Anita Füzi-Tóvizi 1.
Svøríki: Nina Koppang 7, Linn Blohm 6, Elin Hansson 6, Nathalie Hagman 6, Jamina Roberts 6, Jenny Karlsson 2, Olivia Löfqvist 1, Emma Lindkvist 1, Tyra Axnér 1.
Fjórðingsfinalurnar vera leiktar soleiðis:
Klokkan 8.30: Danmark-Niðurlond 29-25 (11-10)
Klokkan 12.30: Frakland-Týskland 26-23 (13-10)
Klokkan 16:30: Ungarn-Svøríki 32-36 (29-29 - 14-13)
Klokkan 20:30: Noreg-Brasil
