Geza David Turi var við frá dystarbyrjan, tá Grimsby á heimavølli á Blundell Park leikvøllinum í Grimsby í dysti í fjórðbestu ensku fótbóltsdeildini tók móti Morecambe.
Frammanfyri 5.800 áskoðarum eydnaðist tað Grimsby at vinna 3-1. Geza fekk eitt gult kort fáar minuttir undan steðginum, og helst hevur tað gjørt sítt til, at hann var skiftur út í steðginum, tá vandin fyri einum seinna gula korti var til staðar.
Kieran Green legði Grimsby á odda í 24. minutti. Bert seks minuttir seinni javnaði útiliðið. Seinni hálvleikur var bert tríggjar minuttir gamla, tá Luca Barrington aftur fekk Grimsby á sigurskós. Tá níggju minuttir vóru eftir av vanligu leiktíðini staðfesti Kieran Green sigurin.
Grimsby er á sjeynda plássinum í deildini við 65 stigum. Teir eru trý stig frammanfyri Colchester, og teir eru fýra stig frammanfyri Crewe Alexandra. Sjeynda plássið gevur rætt til at spæla Play Off dystir um uppflyting. Tì ræður um hjá Geza og liðfeløgunum ikki at detta afturum sjeynda plássið.
Grimsby hevur sjey stig upp til Walsall á triðfremsta plássinum, ið gevur beinleiðis uppflyting. Tað verður torført hjá Grimsby at røkka triðja plássinum nú bert fimm dystir eru eftir at spæla í deildini.
Komandi leygardag hevur Grimsby dyst á útivølli móti Harrogate.
