Føroysku landsliðsleikararnir spældu í dag seinastu dystirnar í grundspælinum í bestu donsku hondbóltsdeildini.
Tað eydnaðist Janu Mittún og liðfeløgunum í Viborg á heimavølli at vinna 33-28 á Mariu P. Nólsoy, og hennara liðfeløgum í Horsens. Í steðginum var støðan javnleikur 13-13.
Jana var við seks málum næstbesti málskjúttin hjá Viborg. Harumframt legði Jana upp til fýra mál (assist). Maria skoraði tvey mál og legði upp til trý mál hjá Horsens.
Á heimavølli eydnaðist tað landsliðsliðskiparanum, Pernille Brandenborg og hennara liðfeløgum í Keypmannahavn at vinna greitt 38-30 á landsliðsmálverjanum, Rakul Wardum og hennara liðfeløgum í Ringkøbing. Í steðginum var Keypmannahavn frammanfyri 19-14.
Pernille var við átta málum næstbesti málskjúttin hjá Keypmannahavn. Harumframt legði Pernille upp til tvey mál. Rakul bjargaði níggju av 30 málroyndum ta tíðini hon vardi málið hjá Ringkøbing. Hon megnaði tó at bjarga tveimum brotskøstum.
Skanderborg uttan Súnu K. Hansen vann á útivølli 36-27 (21-9) á Bjerringbro, og EH Aalborg, ið má klára seg uttan Anniku F. Petersen og Lív S. Poulsen vann á heimavølli 32-30 (16-11) á Sønderjyske.
Tað gleðiliga er, at trý føroyingalið, Keypmannahavn, Viborg og Horsens sleppa at kappast í ovara endaspælinum. Samstundis kunnu vit fegnast um, at hini trý føroyingaliðini, Ringkøbing, EH Aalborg og Skanderborg sluppu undan beinleiðis niðurflyting til næstbestu deildina.
Støðan:
##med2##
Kelda: Soccerstand
