Seinnapartin spældu Vár og Lív Zachariassen, og liðfelagarnir í Ajax seinasta dystin í grundspælinum í næstbestu donsku hondbóltsdeildini.
Í Bavnehøj høllini tók Ajax ímóti AGF. Um Ajax vann dystin, so endaðu tær á triðja plássinum við 27 stigum.
Men dreymurin um triðja plássið brast, tí AGF vann dystin 19-18. Tá AGF skoraði til 19-18 vóru 57 sekund eftir av dystinum, men tað eydnaðist ikki Ajax at javna. Vár skoraði tvey mál í dagsins dysti.
Í tøttu kapprenningini um triðja plássið endaði Ajax á sætta plássinum við 25 stigum. Ejstrup/Hærvejen, AGF og Rødovre endaðu øll á 26 stigum. Ejstrup/Hærvejen knógvaði triðja plássinum, og skal saman við Holstebro á øðrum plássinum spæla Play Off dystir um uppflyting.
Maritu Mortensen og deildarvinnararnir úr HØJ hava langt síðani vunnið deildina, og harvið uppflyting. Í dag leikti HØJ javnleik 32-32 (17-15) móti Gudme. Marita skoraði trý mál í dagsins dysti.
HØJ rakk akkurát ikki 40 stigum. Tær endaðu á 39 stigum fyri 22 dystir, heili 10 stig frammanfyri nummar tvey, Holstebro.
