Bjørt Samuelsen er úr Havn, dóttir Heðin Samuelsen í Havn og Marina Samuelsen (f. Clementsen) av Sandi.
Bjørt hevur lisið matvøruverkfrøði á Den Kgl. Veterinær- og Landbohøjskole í Danmark og journalistik á Norsk Journalisthøgskole í Noreg. Bjørt Samuelsen hevur sitið á tingi síðani 2011. Men fyri ta tíð starvaðist hon sum journalistur í Kringvarpi Føroya og seinni sum fjølmiðlafólk í landsstýrinum.
Hon stillaði fyrstu ferð upp til løgtingsvalið í 2008 og varð vald á ting fyri Tjóðveldi við 547 persónligum atkvøðum.
Eftir valið 4. februar í 2008 varð samgonga skipað millum Javnaðarflokkin, Tjóðveldi og Miðflokkin. Bjørt Samuelsen gjørdist landsstýriskvinna í vinnumálum. Men tá samgongan slitnaði á heysti sama ár, fór Bjørt Samuelsen úr landsstýrinum og tók sæti á Løgtingi.
Hon varð afturvald á ting í 2011. Á løgtingsvalinum í 2015 gjørdist hon akkurát ov stutt at verða vald, men hon tók fast sæti á tingi sum fyrsta varafólk fyri Tjóðveldi, sum tá aftur var í samgongu, hesaferð saman við Javnaðarflokkinum og Framsókn.
Hon var afturvald á ting í 2019 eins og á seinasta løgtingsvali, tá hon bara var tríggjar atkvøður aftan fyri formann floksins, Høgna Hoydal.
Eftir seinasta løgtingsval kom Tjóðveldi aftur í samgongu við Javnaðarflokkinum og Framsókn, og Bjørt Samuelsen varð vald til løgtignsforkvinnu. Hon er onnur kvinna, sum er forkvinna í Løgtinginum, bara Marita Petersen úr Javnaðarflokkinum hevur røkt tað starvið undan henni. Tað var frá 1994-95.
Bjørt Samuelsen er gift við Peter Østergård, sum er úr Danmark. Tey eiga børnini Torstein og Ragnhild.
