Amerikanski forsetin, Donald Trump, og stjórn hansara fingu fleiri ósigrar í rættinum í dag.
Hetta er millum annað hent í málum um burturvísing av tilflytarum.
Tað siga tíðindastovurnar Reuters og NTB frá.
Ein samveldisdómari í Boston hevur bannað Trump-stjórnini at senda fleiri hundrað — um ikki túsund — tilflytarum til onnur lond enn teirra egna heimland uttan fyrst at geva teimum møguleika at prógva, at tey óttast forfylging, pínu ella deyða har.
Tað er nýggjasta afturstigið fyri tilflytararevsingina, sum Trump setti í verk, tá hann tók við í januar.
Amerikanska løgmálaráðið hevur longu kært avgerðina, skrivar Reuters í kvøld.
Eisini avvísti ein annar dómstólur í Kalifornia í dag eina áheitan frá Trump-stjórnini um at fara víðari við ætlanum um at taka fyribils verjuna av umleið 350.000 tilflytarum úr Venezuela.
Ein lægri rættur setti fyri trimum vikum síðani fyribils steðg á avgerðina hjá trygdarráðharranum, Kristi Noem, um at taka aftur verjuna, sum venezuelar høvdu fingið.
Hevði Noem fingið sín vilja, so hevði vegurin verið slóðaður fyri, at teir mongu venezuelanararnir skjótt vórðu burturvístir úr USA.
Tá segði dómarin Edward Chen, at bæði Noem og Trump alment høvdu lagt upp til, at venezuelar bæði eru brotsmenn og ein búskaparlig byrða fyri USA.
Tað slagið av generalisering "er grundleyst og líkist rasismu grundað á generaliseraðar skeivar stereotypir", segði dómarin.
Ein triði dómur í einum heilt øðrum máli kom mikudagin frá einum samveldisdómi í Washington, D.C. Tað gjørdi enda á hópuppsagnum hjá Brúkaraverndarstovuni (CFPB).
Hósdagin vórðu millum 1.400 og 1.500 av starvsfólk hjá CFPB uppsøgd. Hetta svarar til upp til 90 prosent av øllum skrivstovustarvsfólkum.
Uppsagnirnar vóru í stríð við avgerðina hjá einum øðrum rætti, sum varð tikin í síðstu viku. Har stóð, at uppsagnirnar bert kundu fara fram eftir "serligum metingum", skrivar Reuters.
Rættarúrskurðurin fríggjadagin kemur eftir at ein kæra varð latin inn fyrr fríggjadagin móti einum embætismanni, sum er knýttur at serligu skrivstovuni fyri stjórnarvirkni - Doge.
Umboðið hjá Doge kravdi eftir øllum at døma, at starvsfólk hjá CFPB skuldu arbeiða 36 tímar uttan steðg. Viðkomandi er eisini skuldsettur fyri málsligan ágang fyri starvsfólk, skrivar Reuters.
/Ritzau/
