Aftur í ár verður Altjóða Kvinnudagurin hátíðarhildin í Virkinum á Sandi, og tiltakið byrjar sunnukvøldið hin 8. mars klokkan 19.30.
Á skránni fyri hetta hugnaliga kvøld verður mangt ymiskt, bæði upplestur, hugleiðingar, sangur og lætt undirhald.
Hetta verður fimtu ferð, at Altjóða Kvinnudagurin verður hátíðarhildin á henda hátt í Virkinum á Sandi.
Úr skránni kann nevnast, at Birita Fritleifsdóttir fer at hugleiða undir yvirskriftini "Vald í høghælaðum", og Laila Carlsen fer at syngja.
Annika Wenningsted fer at tosa um "Eitt betri lív" við fokus á heilsu sum heild, og lætt undirhald verður við Fríðhild og Fríðbjørg.
Á skránni verður eisini upplestur við Bergljót av Skarði.
Í Virkinum verður lætt ábit og okkurt søtt, og drykkjuvørur fáast til keyps.
Atgongumerkir á 200 krónur fáast til keyps við dyrnar, og atgongumerkið er eisini lutaseðil til fleiri góðar vinningar.
- Komið við til eitt hugnaligt kvøld í Virkinum á Sandi, siga tey, sum skipa fyri kvinnutiltakinum sunnukvøldið á Altjóða Kvinnudegnum.
##med2##
