Undir navninum Abbasonur Jógvan á Toppafløtu gevur Terji Krossteig út talgilt staklag við heitinum mjólk.
Terji er nokk mest kendur sum blústónleikari og sum onnur helvtin av bólkinum maður:glotti.
Við hesi verkætlan fer Terji at leggja dent á kassagittarin og tað einfaldu framleiðslu av løgum.
“Eg havi altíð elska ljóði av einum kassagittara og eg elski at hoyra singer/songwriters sum við sínum lagi, orðum og einum gittara, kunna nema meg og mála myndir í mínum hugaheimi”
Lagið “mjólk” er ein væl kend søga um mista dreymin – tann stóra hjartasorgin sum kann raka okkum øll, ung sum eldri, og hon byrjar uppi í fjøllunum við bygdini Imst í Tirol.
Ragnar Finsson hevur tikið upp, ljóðblandað og frumbandað. Lagi er at hoyra á mest øllum talgiltum stroymingar tænastum.
Jógvan á Toppafløtu, búsettur undir Gøtueiði og giftur við Harriet Sofíu Krossteig úr Leirvík, var doyptur Joen Andreas Joensen, men var kendur sum Jógvan á Toppafløtu ella SEV Jógvan. Jógvan var abbi Terja Krossteig.
