Klokkan 17 seinnapartin var nógv fólk komið saman á bryggjuni við Naddoddaneystið á Tvøroyri, har skipað varð fyri minningarløtu í samband við, at ætlaða víkingarferðin við Naddoddi ikki gekk sum ætlað.
Naddoddur kom í ódnarverður tætt við norsku strondina í august í ár, báturin holvdist, og ein av manningini, Karla Dana, kom ikki frá hendingini á lívi.
Karla Dana fekk eina hátíðarliga minningarløtu í dag.
Við manskóri, horn- og klaverspælið, varð sungið úr prentaða sangheftinum. Formaðurin í Batafelagnum Naddoddi segði nøkur orð, og prestur, Annika Magnussen Gaard, leiddi løtuna.
Eisini segði skiparin á ferðini við Naddoddi nøkur orð, eins og kona hansara segði nøkur orð á hebraiskum.
Løtan var kensluborin, og tá skiparin handaði umboðum frá Naddoddi gávu, hálsfevnust teir, og var hetta prógv um tað sum skiparin nevndi, at manningin á ferðini varð móttikin við opnum ørmum á Tvøroyri dagarnar undan ferðini, og vinabond vórðu knýtt.
Eftir løtuna við Naddoddaneystið varð farið til minnisvarðan á Torvheyggi, har pláta við navninum á Karlu Dana varð avdúkað.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##
##med21##
##med22##
##med23##
##med24##
##med25##
##med26##
