Natasja Hammer stórspældi í bestu íslendsku hondbóltsdeildini í kvøld.
Natasja, Inga Maria Roysdóttir og liðfelagarnir í Stjörnuni taptu á útivølli 30-36 fyri Fram, ið var á odda 17-14 í steðginum.
Natasja var stórskjútti við heili 13 málum. Inga Maria skoraði fýra mál, so føroysku leikararnir skoraðu meir enn helvtina av málunum Stjarnan fekk í kvøld.
Stjarnan er næstaftast í deildini við fimm stigum.
Komandi mikukvøld klokkan 19.30 hevur Stjarnan dyst á heimavølli móti Haukum.
