Í heyst verður Lars Marius Heggberget, sum er blindur, ein av tveimum nýggjum hægstarættardómarum í Noregi. Í dag er hann kommunuadvokatur í Tróndheim kommunu.
- Eg hugsi, at eg fái ein møguleika at gera mun, rætt og slætt. Fyri meg hevði tað verið ein fyrimunur, um hægstirættur var í Tróndheimi, sigur hann við norska kringvarpið, NRK.
Starvið, sum hægstarættardómari, verður í Oslo, og tá verður tað eitt lív sum pendlari.
Hægstirættur er yvir øllum øðrum lægri dómstólum, og rætturin ger galdandi viðurskifti, sum áður hava verið ógreið.
Tað var mánadagin í hesi vikuni, at Lars Marius Heggberget og Thomas Horn vóru innstillaðir sum nýggir dómarar í hægstarætti.
Nú skal setanin víðari til løgmálaráðið, sum formelt skal góðkenna nýggju hægstarættardómararnar.
##med2##
- Eg haldi, at hetta er ein stór viðurkenning av fakliga umhvørvinum í Tróndheimi, sum eg eri eitt sindur errin av, sigur Lars Marius Heggberget við NRK.
Øll greinin kann lesast á leinkjuni niðanfyri:
