Nú er Erling Eidesgaard aftur á tingi

Hervør Pálsdóttir hevur nú boðað Løgtinginum frá, at hon er farin aftur í barnsburðarfarloyvi. Tí hevur Erling Eidesgaard tikið sætið aftur sum tingmaður fyri Tjóðveldi.

Erling Eidesgaard røkir sessin til Hervør tekur sætið aftur.

Erling Eidesgaard misti tingsessin, tá Jóhan Christiansen kom í landsstýrið fyri Høgna Hoydal. Men tá Hervør Pálsdóttir fór í barnsburðarfarloyvi, varð aftur pláss fyri honum. Men í sambandi við málið um fría fosturtøku tók Hervør Pálsdóttir aftur sæti á tingi, tí tað var eitt av hennara hjartamálum. Men nú er hon farin aftur í barnsburðarfarloyvi.

Tá landsstýrið var skipað í desember í 2022 tóku trý varafólk við tingsessum fyri Høgna Hoydal, Sirið Stenberg og Dennis Holm, sum vórðu tilnevnd landsstýrisfólk. Tey vóru øll vald á ting. 

Tá Dennis Holm noyddist at leggja frá sær sum lanndsstýrismaður, og tá Høgni Hoydal fór úr landsstýrinum eftir formansskiftið í flokkinum, vórðu Eirikur í Jákupsstovu og Jóhan Christiansen tilnevndir landsstýrismenn í staðin. Hvørgin teirra er valdur á ting. Men Eirikur í Jákupsstovu var fyrsta varafólk. Liljan Weihe var annað varafólk og Erling Eidesgaard triðja varafólk. Tí hevur Tjóðveldi nú bara eitt varafólk fyri landsstýrisfólk í Løgtinginum. 

Men av tí, at Hervør Pálsdóttir nú er í barsilsfarloyvi, so er aftur pláss fyri Erlingi Eidesgaard í Løgtinginum, til Hervør Pálsdóttir aftur tekur sæti á tingi.

Soleiðis fullu atkvøðurnar í Tjóðveldi á løgtingsvalinum 8. desember í 2022: