Skansin í Havn er motivið á nýggja føroyska SEPAC-frímerkinum fyri 2026.
Magnus Heinason bygdi fyrsta skansan í Havn í 1580. Hildið verður, at hann varð bygdur á leiðini, har Innari Skansi er í dag.
Skansin, sum vit kenna hann nú, varð bygdur í 1782 sum vernd móti álopum av sjónum. Síðan 1901 hevur hann fyri tað mesta verið eitt prýði fyri býin. Undantakið var undir seinna heimsbardaga, tá bretska hersetingarvaldið hevði høvuðsstøð á Skansanum.
Myndina á frímerkinum hevur Andrija Ilic tikið.
Smáarkið er føroyska íkastið til SEPAC-mappuna „Kend støð“. Níggju av teimum 13 limalondunum hava latið frímerki til mappuna: Føroyar, Grønland, Guernsey, Jersey, Liechtenstein, Luksemburg, Malta, Monaco og Áland.
Postverkið hátíðarhelt 50 ár
Posta hevði eisini almenna móttøku 4. september í sambandi við, at 50 ár eru liðin, síðan postverkið gjørdist føroyskt. Sjálvur stovningardagurin var 1. apríl, men hátíðarhaldið varð útsett til september.
Aksel V. Johannesen, landsstýrismaður í fíggjarmálum, og Edvard S. Remberg, stjóri á Posta, hildu røðu, og Guðrið Hansdóttir framførdi.
– Frímerkini gjørdust okkara fyrsta altjóða umboð. Tey bóru føroyska náttúru, mentan, søgu og list út í allan heim, segði Edvard S. Remberg millum annað.
##med2##
##med3##
##med4##
##med5##
##med6##
##med7##
