Tailand lat mikudagin 18 kambodjanskar hermenn leysar, sum hava verið afturhildnir síðani juli.
Tað boðaðu bæði teilenska og kambodjanska stjórnin frá mikudagin, sambært tíðindastovunum Reuters og AFP.
– Eg kann staðfesta, at okkara 18 hetjuhermenn í øllum góðum eru komnir á kambodjanska jørð umleið klokkan 03:00 okkara tíð, red.), sigur kunningarráðharrin í Kambodja, Neth Pheaktra, við AFP.
Uttanríkisráðið í Tailandi váttar eisini, at teir 18 hermenninir eru latnir leysir. Í fráboðan frá ráðnum er leyslatingin sambært AFP gjørd sum eitt tekin um góðan vilja og fyri at byggja álit.
Leyslatin av hermonnunum er liður í eini vápnahvíldaravtalu, sum varð undirskrivað millum Tailand og Kambodja um vikuskiftið.
Vápnahvíldarsáttmálin varð undirskrivaður eftir tríggjar dagar við samráðingum millum grannalondini, sum høvdu verið fløktir í harðar bardagar fram við teirra marki í fleiri vikur.
– Eg eri so glaður. Eg kann ikki bíða við at síggja hann. Eg sakni hann so nógv, sigur Voeung Vy, pápi ein av afturvendandi hermonnunum, við AFP.
Hann segði seg vilja bjóða soninum vælkomnum heim í høvuðsstaðnum í Kambodja, Phnom Penh.
/Ritzau/
