Í kvøld er fagnaður í hondbóltsøra landinum fyri norðan. Ísland vann í kvøld í EM-millumbólki 2 sannførandi 35-27 á svensku vertunum í Malmö Arena.
Í steðginum vóru íslendingar á odda 18-12. Svenskarar fingu minkað til 22-23, men so fekk Ísland gongd á aftur og seinastu løtuna vóru "strákarnir" flúgvandi.
Toppskjútti hjá Íslandi - og dagsins leikari - var Viggó Kristjánsson, ið skoraði 11 mál upp á 11 málroyndir. Toppskjútti hjá Svøríki við fimm málum var Albin Lagergren.
Risin í íslendska málinum, Viktor Gísli Hallgrímsson hevði eisini ein góðan dyst við 13 bjargingum.
Nú hava Ísland, Svøríki og Slovenia fýra stig hvør. Kroatia kann eisini koma upp á fýra stig við sigri á Sveis í kvøld.
HER er skráin fyri millumbólk 2:
23. januar: Ísland – Kroatia 29-30
23. januar: Sveis – Ungarn 29-29
23. januar: Slovenia – Svøríki 31-35
25. januar: Slovenia – Ungarn 35-32
25. januar: Ísland – Svøríki 35-27
25. januar: Sveis – Kroatia, kl. 19.30.
27. januar: Sveis – Ísland, kl. 14.30.
27. januar: Slovenia – Kroatia, kl. 17.
27. januar: Svøríki – Ungarn, kl. 19.30.
28. januar: Slovenia – Ísland, kl. 14.30.
28. januar: Kroatia – Ungarn, kl. 17.
28. januar: Sveis – Svøríki, kl. 19.30.
HER ber til at síggja ein samandrátt frá Eurohandball frá dystinum Ísland-Svøríki 35-27 (18-12):
##med2##
