Reuters, sum endurgevur almennar miðlar í Iran, veit at siga, at ein ísraelsk rakett í morgun rakti eitt sjúkrahús í iranska høvuðsstaðnum, Teheran.
Sagt verður, at kelda til hesi tíðindi er heilsumálaráðið í Iran.
Reuters endurgevur eisini iranska netmiðilin, Asriran, sum veit at siga, at ein ísraelsk drona í dag eisini hevur rakt ein íbúðarbygning í iranska høvuðsstaðnum.
Einki verður tó sagt um, hvørt sivilfólk eru løstað ella hava latið lív í ísraelska álopinum.
Lagt verður aftrat, at kríggið millum londini nú gongur á áttanda degi við fleiri løstaðum og deyðum hjá báðum pørtum.
