Tíðindaskriv:
Søgan snýr seg um einsamalla og mishátta klokkarin Quasimodo. Hann býr í tornunum á Notre Dame kirkjuni. Fyrstu ferð hann vágar sær út um kirkjumúrarnar, møtir hann Esmeraldu og verður drigin við á eina spennandi og vandamikla ferð í París, ferðin, ið broytir alt.
”Vit ynskja at geva øllum føroyingum eina stóra og serstaka uppliving, ið ikki er sædd áður í Føroyum”. siga fólini handan leikin.
Sangleikurin snýr seg um kærleika, og er fullur av fantastiskum tónleiki og kendum sangum
Fimm føroysk tónlistafólk pallseta og spæla sjálv allar leiklutirnar, syngja kór og mynda alt orkestrið við ljóðførum sum pumpuurgu, flygli, paukum, marimbu, kontrabassi, tvørfloytu og gittara. Tey eru útbúgvin úr Prag, Barcelona, Keypmannahavn og Aarhus.
Tónaskaldið Alan Menken, sum eisini er kendur fyri tónleikin í m.a. Aladdin, Beauty and the Beast og The Little Mermaid, hevur skrivað tónleikin.
Leikurin er egnaður til øll millum 7 og 100 ár
Leikarar
Aksel Remmel: Phoebus, útbúgvin á kongaliga danska musikkonservatoriinum í Keypmannahavn
Ári Berghamar Danielsen: Clopin, útbúgvin á kongaliga danska musikkonservatoriinum í Keypmannahavn
Bergur Fonsdal: Frollo, útbúgvin á The Academy of Performing Arts í Prag
Borgfríð Fonsdal: Quasimodo, útbúgvin á Institute of the Arts í Barcelona
Maria á Lakjuni: Esmeralda, útbúgvin á jútska musikkonservatoriinum í Aarhus
Leikstjóri: Jákup Veyhe
Pall- og búnasniðgevi: Sámal Blak
Ljóssnið: Súni Joensen
Ljóðsnið: Baldur Kampmann
Búnamakari: Anna Kristin Bæk
Koreografur: Jakub Peśek
