- Semingsstovnurin er nú boðsendur í sáttmálasamráðingunum millum manningarfeløg og Føroya Reiðarafelag fyri fiskiskip.
Tað veit heimasíðan hjá Føroya Skipara-og Navigatørfelag at siga.
Hin 19. mars handaðu Føroya Skipara-og Navigatørfelag og Føroya Reiðarafelag hvørjum øðrum krøvini um nýggjan sáttmála fyri ymisku fiskiskipabólkarnar.
- Longu hin 9. apríl sendi Føroya Reiðarafelag boð eftir semingsstovninum.
Á heimasíðuni hjá Føroya Skipara-og Navigatørfelag verður sagt, at tveir fundir fyrst vóru millum partarnar, ávikavist hin 21. mars og hin 8. apríl.
- Tað var Føroya Reiðarafelag sum tók stig til at senda boð eftir semingsstovninum, sigur felagið hjá navigatørunum.
Lagt verður aftrat, at semingsstovnurin síðan hevur heitt á partarnar um sjálvbodnar at leingja sáttmálan fram til fríggjadagin, hin 24. apríl á midnátt.
