Bretska stjórnin gav týsdagin endaliga grønt ljós til eitt nýtt bretskt kjarnorkuverk, sum kallast Sizewell C.
Tað siga bæði AFP og Reuters frá.
Eftir ætlan skal orkuverkið byggjast í útsynningspartinum av Onglandi.
Stjórnin, sum er størsti partaeigarin í verkætlanini, sigur, at Sizewell C fer at kosta umleið 38 milliardir pund at byggja.
Tað svarar til umleið 327 milliardir í okkara krónum.
Verkætlanin gerst veruleiki, eftir at bretska stjórnin hevur tryggjað sær íløgur frá kanadiska eftirlønargrunninum La Caisse og bretska orkufelagnum Centrica og Amber Infrastructure, skrivar Reuters.
##med2##
Bretland hevur tørv á at byggja nýggj kjarnorkuverk fyri at avloysa tey eldru, styrkja orkutrygdina, røkka sínum veðurlagsmálum og skapa nýggj arbeiðspláss, sigur bretska stjórnin.
– At veita næsta ættarliði, almenna ognaða reina orku, er avgerandi fyri okkara orkutrygd og vøkstur, sigur fíggjarmálaráðharrin, Rachel Reeves, í eini fráboðan.
Ritzau/Reuters
