Í nátt varð ein roynd gjørd at skjóta amerikanska forsetan, Donald Trump.
Hetta er triðju ferð síðani 2024, at forsetin er komin í eina støðu, har vápnaðir einstaklingar hava verið ein trygdarvandi fyri hann.
Hesaferð hendi tað á árliga korrespondentborðhaldinum á Hilton Hotel í amerikanska høvuðsstaðnum, Washington, D.C.
Umleið ein tíma eftir skottilburðin skrivaði Trump á sínum sosiala miðli, Truth Social, at gerningsmaðurin varð handtikin.
Her er tað, sum vit í løtuni vita um mannin, sum er undir illgruna fyri at standa aftanfyri skottilburðin:
* Sambært fleiri amerikanskum miðlum er talan um ein 31 ára gamlan mann.
* Donald Trump skrivar, at maðurin er úr statinum Kalifornia, og fjølmiðlarnir siga, at hann meira nágreiniliga er úr býnum Torrance í statinum.
* Amerikansku myndugleikarnir hava enn ikki váttað, hvør maðurin er. Men sambært fleiri miðlum, eitt nú The New York Times, er hann parttíðarlærari, sum hjálpir til við undirvísing og próvtøkufyrireiking.
* Myndugleikarnir halda, at hann var gestur á hotellinum í sambandi við hendingina.
* Gerningsmaðurin varð ikki skotin, men hevur verið kannaður á sjúkrahúsi.
* Motivið aftanfyri skottilburðin er enn ókent.
* Ógreitt er, hvør var málið fyri álopinum. Amerikanski forsetin segði á tíðindafundi eftir hendingina, at hann gongur út frá, at hann var málið.
* Løgmaðurin Jeanine Pirro segði á tíðindafundi, at gerningsmaðurin verður ákærdur fyri tvæt ákærur: nýtslu av skotvápni undir harðskapsbrotsverki, og fyri álop á ein samveldis løgreglumann við einum hættisligum vápni.
* Gerningsmaðurin hevði eina skambyrsu, eina høglbyrsu og fleiri knívar, tá hann royndi at leypa á.
* Tað er óvist, um gerningsmaðurin arbeiddi einsamallur, men Donald Trump hevur upplýst, at tað sær út til, at hann var ein "einsamallur úlvur".
Keldur: Berlingske, Reuters, AFP, DR, Ritzau.
/Ritzau/
