Útlendskir miðlar vita í dag at siga, at turkisku myndugleikarnir hava handtikið 209 fólk í høvuðsstaði landsins, Ankara.
Handtøkurnar eru framdar í samband við, at Nato-toppfundur verður í býnum 7.-8. juli.
Sagt verður, at flestu av teimum handtiknu hoyra til ymiskar felagsskapir á ytra høgraveinginum, sum tikið verður til.
Sambært turkisku myndugleikunum er ætlanin at handtaka 241 fólk, harav nøkur eru undir illgruna fyri at hava tilknýti til IS, Islamiskan Stat.
Myndugleikarnir í Turkalandi hava gjørt av, at øll mótmælistiltøk eru bannað í Ankara frá og við 28. juni og fram til endan av Nato-toppfundinum.
