Hon er eftirlýst av Russlandi og kend fyri treytaleysa stuðul sín til Ukraina. Nú sær út til at Kaj Kallas verður nýggjur uttanríkisstjóri hjá ES.
Í øllum førum um týsku miðlarnir eru eftirfarandi.
Bæði týska tíðindastovan dpa og bløðini Frankfurter Allgemeine og Bild skriva, at ein avtala um ES toppstørvini er upp á pláss.
Avtalan skal tó fyrst formliga góðkennast á ES toppfundi hósdagin og fríggjadagin í hesi vikuni í Brússel. Og sjálvt um ríkis- og stjórnarleiðararnir í ES peika á Kaju Kalla sum ES uttanríkisstjóra, skal hon eisini góðkennast av ES tinginum.
Í 2021 gjørdist Kaja Kallas fyrsta forsætisráðfrú í Estlandi.
Síðani hevur Kallas sligið navn sítt rimmar fast sum væltalandi atfinnari at grannalandinum Russlandi, og hon hevur gjørt Estland til eitt av londunum við hægsta stuðuli til Ukraina fyri hvønn íbúgva.
Men fólkatekki hennara í heimlandinum fekk eitt skot fyri bógvin, tá tað kom fram, at maður hennara var uppi í einum virki, sum framvegis hevði virksemi í Russlandi.
Stjórn hennara hevur eisini hækkað skattirnar og loyvt persónum av sama kyni at giftast – nakað, sum næstan helmingurin av estiska fólkinum er ímóti.
Her eru nøkur fakta um estisku forsætisráðfrúnna:
* Navn: Kaja Kallas.
* Aldur: 47 ár (fødd 18. juni 1977).
* Kaja Kallas er fødd í høvuðsstaðnum í Estlandi, Tallin. Hon er langommudóttir fyrst løgreglustjóran í Estlandi.
* Pápi hennara, Siim Kallas, stovnaði liberala Nýskipanarflokkin og var forsætisráðharri í Estlandi frá 2002-2003. Síðani var hann ES kommiserur. Í dag er Kaja Kallas forkvinna í Nýskipanarflokkinum.
* Politiska starvsleiðin hjá Kaju Kallas byrjaði, tá hon varð vald í estiska tjóðartingið í 2011.
* Í 2014 varð hon vald í ES tingið, har hon sat til 2018. Tá vendi hon aftur til estiskan politikk og gjørdist forkvinna í Nýskipanarflokkinum.
* í 2019 vann flokkurin valið í Estlandi, men táverandi forsætisráðharrin, Juri Ratas, helt fram í starvinum. Tá hann legði frá sær eftir muturgølur sløk tvey ár seinni, gjørdist Kallas nýggj forsætisráðfrú.
* í februar í ár eftirlýsti Russland Kaju Kallas, tí hon hevur arbeitt fyri at beina burtur sovjetiskar standmyndir frá seinna heimsbardaga.
* Fyri politisku starvsleiðina arbeiddi Kaja Kallas sum partnari í tveimum leiðandi advokatfeløgum í Estlandi.
* Kaja Kallas er gift við Arvo Hallik og mamma tveir synir og eina dóttir.
Kilder: Reuters, Politico.
/ritzau/
