Hon er heimsins elsta steypakapping. Gongur aftur til 1872, og yvirraskilsini halda fram við at hugtaka fjepparar kring heimin. Sigurin hjá sættideildarliðnum, Macclesfield, ið fór av knóranum fyri nøkrum árum síðani, og sum megnaði í vikuskiftinum at senda verandi steypavinnararnar, Crystal Palace úr kappingini er bara enn eitt dømið. FA Cup kappingin hevur ikki sín líka.
Í fjórða umfarinum møtir Macclesfield Premier League-liðnum, Brentford á heimavølli.
David Geza Turi og liðfelagarnir í Grimsby Town, ið spælir í fjórðbestu ensku fótbóltsdeildini megnaði eisini at vinna seg til fjórða umfarið í FA Cup kappingini. Í vikuskiftinum vann Grimsby á heimavølli 3-2 á sættideildarliðnum, Weston-super-Mare.
Í fjórða umfarinum, ið verður leikt 14. februar og 15. februar hevur Grimsby aftur heimavøll. Hesaferð kemur Premier League-liðið, Wolverhampton á vitjan. Wolves vera favorittar, men teir hava bert sjey stig aftaná 21 umfør í Premier League, so Grimsby sær avgjørt ein møguleika at fremja eina sensasjón.
HER er lutakastið til fjórða umfarið:
Liverpool/Barnsley – Brighton
Stoke – Fulham
Oxford United – Sunderland
Southampton – Leicester
Wrexham – Ipswich
Arsenal – Wigan
Hull – Chelsea
Burton Albion – West Ham
Burnley – Mansfield
Norwich – West Bromwich
Port Vale – Bristol City
Grimsby Town – Wolverhampton
Aston Villa – Newcastle
Manchester City – Salford/Swindon
Macclesfield – Brentford
Birmingham – Leeds
