Kappingin í triðbestu donsku fótbóltsdeildini byrjaði í dag, og vóru bæði føroyingaliðini í leiki.
Heini Fossdalsá Sørensen og liðfelagarnir í Thisted fingu á heimavølli eina góða byrjan upp á kappingina við 1-0 sigri á Middelfart.
Maarouf Mostafa skoraði sigursmálið hjá Thisted í 74. minutti. Heini var á vøllinum í 75 minuttir í dag.
Komandi leygardag klokkan 13 spælir Thisted á útivølli móti Ishøj.
Hørður H. Askham var á vøllinum í 54 minuttir, tá hann og liðfelagarnir í AB á heimavølli leiktu javnleik 1-1 móti Næstved.
Næstved legði seg á odda longu í ellinta minutti. Águst Eðvald Hlynsson javnaði fyri AB miðskeiðis í seinna hálvleiki.
Komandi fríggjakvøld klokkan 18 spælir AB á útivølli móti Nykøbing.
