Ter at finnast at, tá USA heldur fram við at økja sín hernaðarliga stuðul til Ukraina.
Tað sigur Pak Jong-chon, sum er ein høgur leiðari í norðurkoreanska herinum, skrivar norðurkoreanski miðilin KCNA.
Russland ehvur rætt til at fremja hevndarálop sambært Pak Jong-chon, sum vísir til, at USA fyri kortum hevur givið Ukraina loyvi til at brúka amerikonsk vápn til at leypa á hernaðarmál í Russlandi.
Pak Jong-chon leggur afturat, at USA kann provokera Russland til at seta hart ímóti hørðum og harvið er vandi fyri einum »nýggjum heimskríggi«.
Útsøgnin kemur, eftir at Norðurkorea og Russland í fjør gjørdu avtalu um millum annað sína millum hjálp, tá annar parturin verður álopin.
Tað hendi, tá Russiski forsetin, Vladimir Putin, vitjaði norðurkoreanska leiðaran, Kim Jong-un, í høvuðsstaðnum Pyongyang.
USA og Suðurkorea hava lagt Norðurkorea og Russland undir at bróta fólkarættin við at handla við vápnum hvør við annan.
Tað hava Russland og Norðurkorea víst aftur.
Blaðið The Washington Post skrivaði leygardagin, at Russland kanska hevur fingið umleið 1,6 milliónir artillerígranatir úr Norðurkorea.
Metingin er út frá dáta úr amerikanska granskingarstovninum C4ADS.
Fleiri altjóða greinarar meta, at nýggja avtalan millum Russland og Norðurkorea kann vera byrjanin til enn størri vápnahandil.
Suðurkorea, USA og Japan hava í dag saman eina fráboðan, har londini fordøma samstarvið millum Norðurkora og Russland.
Sambært suðurkoreansku sjónvarpsstøðini TV Chosum hevur Norðurkorea ætlanin um í næsta mánaði at senda verkfrøðingar og bygningsarbeiðsfólk úr herinum til fleiri av teimum økjum, sum Russland hevur hersett í Ukraina.
/ritzau/Reuters
