Tað boða iranskir statsmiðlar frá sambært Reuters.
Jarðarferðin verður eftir eina fimm dagar langa minningarhátíð, sum byrjar í høvuðsstaðnum Teheran 4. juli.
Ali Khamenei doyði 28. februar undir amerikonskum og ísraelskum álopum á Teheran. Fleiri fólk í familju hansara lótu eisini lív í álopunum.
Enn er ikki greitt, hví tað ganga meira enn fýra mánaðir frá deyða hansara, til hann verður lagdur til hvíldar.
Khamenei var ovasti leiðari í Iran í nærum fýra áratíggju og hevði seinasta orðið í øllum týðandi politiskum og hernaðarligum avgerðum í landinum.
Eftir deyða hansara varð sonurin, Mojtaba Khamenei, útnevndur sum nýggjur leiðari í Iran.
Álopini á Teheran 28. februar gjørdust byrjanin til kríggið millum Iran øðrumegin og USA og Ísrael hinumegin. Kríggið hevur nú vart í umleið tríggjar og ein hálvan mánað.
