Martin Agnarsson, ið var á vikuliðnum farna umfarið, og liðfelagarnir í Aarhus Fremad spældu í dag dyst á útivølli í næstbestu donsku fótbóltsdeildini.
Á leikvøllinum í Hvidovre tapti Aarhus Fremad 0-2 fyri heimaliðnum. Hvidovre skoraði bæði málini undan steðginum.
Martin var á vøllinum í 73 minuttir.
Aarhus Fremad hevði bóltin 66 prosent av tíðini, og teir høvdu líka nógvar royndir innanfyri málrammurnar sum Hvidovre, men tað fingu teir ikki gagnnýtt.
Aarhus Fremad er triðaftast í deildini við fýra stigum fyri fimm dystir.
Mikudagin klokkan 17 hevur Aarhus Fremad heimadyst móti Kolding, ið hevur Meinhard E. Olsen á liðnum. Kolding tekur móti Lyngby á heimavølli í morgin klokkan 12.
Í morgin klokkan 13 hevur liðið hjá Adrian R. Justinussen og Poul Kallsberg, Hillerød heimadyst móti Hobro.
