1) Fert tú á ólavsøku?
2) Plagar tú at vera á ólavsøku?
3) Hvat heldur tú er tað besta við tjóðarhátíðini?
4) Er okkurt, tú saknar við ólavsøkuni?
5) Minnist tú onkra ólavsøku fram um aðrar?
Fert tú á ólavsøku?
- Um veðrið er gott, verður helst vitjað ein túr í høvuðstaðnum á ólavsøku.
Tað sigur Kári P. Højgaard.
Hann vísir á, at sum fyrrverandi løgtings-og landstýrismaður var partur av arbeiðnum at luttaka í skrúðgonguni úr løgtinginum oman í Havnar kirkju.
- Men, seinastu árini hevur luttøkan á ólavsøku verið tengd at veðurvánunum.
Hvat heldur tú er tað besta við tjóðarhátíðini?
- Tað besta við tjóðarhátíð okkara er, at fólk úr øllum landinum savnast til gaman og álvara. Merkið veitrar á hvørjari stong kring landið, og vit kenna felagskap og samanhald.
Minnist tú onkra ólavsøku fram um aðrar?
- Ólavsøkan í 1985 er tann, sum stendur mær fremst í minni. Ólavsøkuaftans morgun varð yngsti sonur okkara borin í heim.
Og Kári P. Højgaard leggur aftrat:
- Grind var deyð í Vestmanna, og hendan seinrapartin eydnaðist okkum at fáa ein heilan hval og gott kappróðrarúrslit.
At enda ynskir fyrrverandi løgtings-og landsstýrismaðurin øllum eina góða ólavsøku.
