Fimleikasamband Føroya skrivar:
- Seinasta fimleikakappingin á Oyggjaleikunum í Orkney er nú liðug, og fimleikurin hevur aftur vunnið fleiri heiðursmerki í hús.
Í dag var tað finalu kapping, har kappast varð í hvørjum amboði sær. Eins og áður vóru kappingarnar sera tættar og spennandi, og okkara fimleikarar megnaðu at fáa heili 13 heiðursmerki í hús, 9 til menninar og 4 til kvinnurnar.
Rókur Sumberg Vestergaard vann gull í beinsveiggj.
Torleivur vann gull í lopi, silvur í gólvi, og deilt silvur í ringum.
Bjarki Johannessen vann deilt silvur í ringum, silvur í lopi og bronsu í rekk.
Bjarti Skylv Hansen vann bronsu í parallel barr.
Mia vann gull í forskotnari barr, deilt gull í lopi og silvur á gólvi.
Marin vann gull á gólvi.
Bjarki í Jákupsstovu vann bronsu í beinsveiggj.
føroya fimleikasamband ynskir teimum hjartaliga tillukku við fantastisku úrslitunum! Skrivar Fimleikasamband Føroya.
Føroysku fimleikararnir vunnu heili 15 gullheiðursmerki, átta silvurheiðursmerki og seks bronsuheiðursmerki á oyggjaleikunum hesaferð.
