Amerikanski forsetin, Donald Trump, er evakueraður frá árliga borðhaldinum hjá tíðindafólkunum í Washington D.C., eftir ein skottilburð.
Tað upplýsir tíðindastovan Reuters út frá videoupptøkur frá hendingarstaðnum.
Hann er tikin burtur av agentum frá Secret Service, sum millum annað hevur ábyrgdina av at verja amerikanska forsetan.
Árligi korrespondentdøgurðin er síðani avlýstur og verður fluttur til nýggjan dag innan 30 dagar.
Tað skrivar amerikanski forsetin, Donald Trump, á sínum egna sosiala miðli, Truth Social.
Forsetafrúan Melania Trump og aðrir leiðandi limir í Trump-stjórnini vórðu eisini evakueraðir frá borðhaldinum, skrivar Reuters.
Sambært tíðindastovuni upplýsir Secret Service, at forsetahjúnini eru trygg, og at ein hending við skottilburði er kannað.
##med3##
Bæði Reuters og tíðindastovan AFP boðaðu frá, áðrenn fráboðanina frá forsetanum og Secret Service, at eitt ella fleiri harðlig skot hoyrdust.
Trump var komin til borðhaldið stutt frammanundan, har hann eftir ætlan skuldi halda sína fyrstu røðu sum forseti.
Forsetin skrivaði sjálvur á sínum sosiala miðli, Truth Social, at illgruni um, at gerningsmaðurin aftanfyri skottilburðin á staðnum er handtikin.
The Independent skrivaði, at gerningsmaðurin var dripin. Hetta er tó ikki alment staðfest.
Tíðindastovan AP skrivar, at eingin fekk skaða.
##med2##
Nógv løgregluvirksemi er á Washington Hilton hotellinum, har borðhaldið hjá tíðindafólkunum er. Tyrlur sveima yvir staðnum, skrivar AFP.
Tað er felagið hjá tíðindafólkum í Hvítu Húsunum (WHCA), sum skipar fyri áriliga tíðindadøgurðanum.
Sambært fyrireikarunum er endamálið við borðhaldinum hjá korrespondentunum at skapa eitt avslappað forum til sosialt samskifti millum pressuna og Hvítu Húsini.
Borðhaldið er kent fyri sínar humoristisku røður frá pallinum. Kvøldið er vanliga ein røða frá forsetanum, sum er full av humori og hevur ein sjálvsniðrandi tóna.
Tað var fyrstu ferð, at Trump eftir ætlan skuldi luttaka á Correspondents’ Dinner í tíðini, hann var forseti. Hann hevur áður saknað borðhaldið.
/Ritzau/
