Sáttmálin við Russland verður helst longdur

Í næstum skal u­t­tan­lands­nevnd­in hjá Løg­ting­inum ráð­føra Dennis Holm, Høgna Hoydal og Aksel V. Johannesen, løg­mann, um, hvørt fiski­veið­u­sátt­máli við Russland skal ger­ast fyri næsta ár.

Alt bendir á, at mótstøðan í Løg­tingi­num í­móti at gera ein nýggj­an fiski­vinnu­sátt­mála við Russland er fónað niður í næstan einki.

Javnðarflokkurin, Tjóðveldi og Framsókn, vóru, saman við formanninum í Miðflokkinum og umboðum úr Sambandsflokkinum púra greið um, at eingin sáttmáli skuldi gerast við Russland.

Men so skrivaði eitt val­evni hjá Tjóðveldi eitt les­ara­bræv, sum broytti alt. Allir tóku í 2022 undir við, at nú var ov lant útliðið, og tí mátti sáttmáli gerast. 

Eftir at nýggja samgongan varð skipað undan jólum í 2022 var russlandssáttmálin nógv umrøddur. Tey fundaðust og kannaðu og kannaðu og fundaðust. Men so 

skiftu nøkur fólk í Tjóðveldi støðu – og so var meiriluti í uttanlandsnevndini fyri at mæla landsstýrismanninum til at gera nýggjan sáttmála.

Men nú, tá samráðingarnar við Russland nærkast, nú hoyrist ikki eitt kis úr politisku skipanini. 

Við Sosialin í dag sigur Liljan Weihe, annað umboðið hjá Tjóðveldi í uttanlandsnevdini tó, at tað bæði et­iskt og moralskt og menn­iskja­ns­liga er skeivt at gera sátt­mála við eitt land, sum er í álopskríggi við eitt ann­að land í Evropa. Eisini trygdarpolitiskt, held­ur hon tað vera skeivt. Hon skilir ikki, at tey í henn­ara egna flokki ikki kunnu semj­ast um tað og hava somu støðu, sum tey høgdu undan valinum.

Lesið meira um málið í Sosialinum, sum fæst til keyps kring landið og sum haldarar eisini kunnu lesa á www.sos.fo

Í Sosialinum skrivar Martin Breum, journalistur, grein hann nevnir: »Dronuálop í Arktis: Kríggið í Ukraina flytur seg norðureftir«. Har vísir hann á, at hernaðarligi spenningurin í Norð­ur­at­lants­havi økist.

– Við tveim­um ukrainskum dron­u­álopum á russisku støð­irnar niðan móti Bar­ent­s­hav­i­num hevur kríggið veruliga flutt seg norðureftir, skrivar hann.