Føroyska kvinnulandsliðið í flogbólti hevur enn til góðar at vinna eitt sett eftir tríggjar teir fyrstu dystirnar í Silver League.
Í kvøld spældu føroysku kvinnurnar móti Luksemborg í Luksemborg.
Heimaliðið vann ein greiðan 3-0 sigur. Frægast gekk í fyrsta settinum, har føroysku kvinnurnar fingu 21 bóltar í gólvið hjá Luksemborg.
Luksemborg-Føroyar 3-0 (25-21, 25-17 og 25-17) - 3. dysturin í Silver League.
Í morgin klokkan 17 spælir føroyska kvinnulandsliðið annan dystin í Silver League á ferðini í Luksemborg.
Dysturin verður móti Ungarn, ið higartil í kappingini hevur vunnið 3-0 á Íslandi og 3-1 á Lettlandi.
