Londini, sum hava brúk fyri olju úr Miðeystri, eiga at ganga á odda at halda Hormuzsundið opið.
Tað segði amerikanski forsetin, Donald Trump, å í nátt okkara tíð í røðu til amerikansku tjóðina.
– Vit vilja hjálpa, men tey skulu ganga á odda at verja oljuna, sum tey eru so desperat bundin av, sigur forsetin.
Iran hevur partvíst sperrað Hormuzsundið, eftir at Ísrael og USA í einum samskipaðum átaki hava lopið á Iran.
Bert nøkur fá farmaskip og tangaskip hava síðani siglt um ta smølu handilsleiðina, har ein fimtingur av allari heimsins olju vanliga fer ígjøgnum.
Lutvísi stongsulin hevur elvt til stórar hækkingar í olju- og gassprísunum.
Í røðu síni í nátt heitti amerikanski forsetin eisini á oljubundin lond um at keypa amerikanska olju.
– Vit hava eitt uppskot. Fyri tað fyrista keypið olju úr USA, vit hava nógv av henni, vit hava so nógv.
– Fyri tað næsta, byggið upp okkurt seinkað dirvi - tey áttu at gjørt tað saman við okkum, sum vit spurdu um - farið til sundið og bara taka tað, sigur Trump.
Trump hevur fleiri ferðir undir stríðnum við Iran seinasta mánaðin heitt á amerikansk sameind lond um at hjálpa til við Hormuzsundinum, eins og hann hevur funnist at londunum fyri ikki at hjálpa í sundinum.
Sambært greinarum vórðu amerikansku-ísraelsku álopini á Iran sett í verk uttan at hava ráðført seg við evropisk sameind munandi.
Undan røðuni í kvøld hevði Trump sagt við tíðindastovuna Reuters, at hann fór at vísa sína "anstygd" fyri NATO í røðuni.
Kortini nevndi forsetin ikki verjusamgonguna í røðu síni.
Trump hevur fleiri ferðir hótt við at taka USA úr NATO-samgonguni.
Kongressin samtykti lóggávu í 2023, sum í høvuðsheitum merkir, at Trump hevur brúk fyri antin tveimum triðingum av meiriluta í senatinum ella góðkenning frá kongressini fyri at draga USA úr NATO.
/Ritzau/
