FSF skrivar:
- Seint seinnapartin týsdagin kom manslandsliðið við Pärnu í Estlandi, har fyrri dysturin í Baltic Cup 2026 verður leygardagin klokkan 16:00
——————
Í løtuni leggja Eyðun Klakstein og hansara menn alla orku í fyrireikingarnar til Baltic Cup 2026.
Seint seinnapartin týsdagin kom føroyska ferðalagið uppá pláss í Pärnu, og mikudagin legðist Ari Olsen, ið spælir fyri Vendsyssel FF í Danmark, afturat hópinum. Skálamaðurin hevur spælt 16 U21-landsdystir fyri Føroyar, men hetta er fyrstu ferð, at hann er úttikin til A-landsliðið.
Umstøðurnar í Pärnu, sum liggur í útsynningspartinum av Estlandi, út ímóti Eystarasalti, eru góðar. Veðrið er gott, og sum heild eru allir væl fyri undan teimum báðum landsdystunum, ið standa fyri framman.
Tveir dystir eru á skránni næstu dagarnar. Tann fyrri verður spældur á Ranna Stadion í Pärnu leygardagin 6. juni klokkan 16:00, sum er klokkan 18:00 lokala tíð í Estlandi.
Seinna umfar í kappingini verður spælt týsdagin 9. juni, tá finalan og dysturin um 3. plássið eru á skránni. Hini bæði londini í kappingini eru Lettland og Litava.
Baltic Cup er liður í fyrireikingunum til UEFA Nations League, sum verður í heyst. Skrivar FSF.
