Tað er lagt upp til rimmarfinalu, tá ið 10-mannaførini fara at kappast á ólavsøku.
Ongantíð áður hava Havnarbáturin og Klaksvíkingur verið í finalu um FM heitið, men soleiðis verður tað annan mánadag.
Tað er greitt eftir kappingina í heilt góðum róðrarlíkindum á vestanstevnu í Sørvági.
Undan ólavsøku hava bæði Havnarbáturin og Klaksvíkingur 39 stig.
Í dag fekk Havnarbáturin besta startin, og tað var skjótt, at Havnarbáturin var ein skut undan Klaksvíkingi, meðan Norðingur skjótt smokkaði burtur ímillum, og Norðingur endaði nógv aftastur.
Havnarbáturin stýrdi alla tíðina kappingini. Munurin var eina løtu eina hálva bátslongd. Teir á Klaksvíkingi fóru fyrr undir endaspurtin enn kappingarneytarnir. Tað hevði við sær, at munurin minkaði niður í ein skut ella minni enn tað, men so svaraði Havnarbáturin aftur við fínum endaspurti, og tá ið teir fóru um málið, var munurin tað mesta av einari bátslongd.
| 1 | Havnarbáturin (HR) | 04:29.20 | +00.00 | 7 | ||
| 2 | Klaksvíkingur (KRF) | 04:31.25 | +02.05 | 6 | ||
| 3 | Norðingur (NHR) | 04:36.33 | +07.13 | 5 |
| 1 | Havnarbáturin (HR) | 6 | 39 | ||
| 2 | Klaksvíkingur (KRF) | 6 | 39 | ||
| 3 | Norðingur (NHR) | 6 | 30 |
Manningin á Havnarbátinum
Toftan - Bakborð
Kristian Linklett Mortansson
Toftan - Stýriborð
Mattias Durhuus
Bógrúm - Bakborð
Sámal Debes Joensen
Bógrúm - Stýriborð
Eli Magnason Nielsen
Rúmið (fremri) - Stýriborð
Boas Hofgaard Heinesen
Rúmið (fremri) - Bakborð
Rasmus Jónsson
Rúmið - Bakborð
Mikkjal Andriasarson Jacobsen
Rúmið - Stýriborð
Hallur Nattestad
Lærið - Bakborð
Sølvi Smith
Lærið - Stýriborð
Hans Petur Brekkstein
Róðursmaður/-kvinna
Linda Guttesen
