Myndin, sum er tikin av einum Sentinel-3 fylgisveini, vísir grønar ringrásir á sjónum, sum eru eyðkenni fyri blóming av blágrønum algum, eisini nevndar cyanobakteriur.
Slík algublóming er vanlig um summarið í Eystersjónum. Hon verður serliga elvd av heitum sjógvi, veikum vindi og stórari nøgd av føðsluevnum, sum renna út í havið úr landi. Sambært Copernicus kann hetta hava neiliga ávirkan á bæði vatngóðsku og lívið í havinum.
Týsku heilsumyndugleikarnir í Rostock ávaraðu 11. august um algurnar við strendurnar har á leið og mæltu fólki frá at fara út at svimja.
Copernicus nýtir Sentinel-fylgisveinarnar til støðugt at fylgja við havumhvørvinum í Evropa. Myndirnar verða brúktar til at eygleiða vatngóðsku, lívfrøðiliga støðuna í havinum og, hvussu algublómingar flyta seg og mennast.
