Tað upplýsir Gianni Infantino í sjónvarpssendingini Fox and Friends, sambært Reuters og The Guardian.
– Vit fara at njóta finaluna saman við forsetanum, og síðani handa vit vinnaranum steypið – sjálvandi saman, sigur Infantino.
Spurdur beinleiðis, um hann og Trump fara at handa steypið saman, svarar FIFA-forsetin:
– Sjálvandi. Vit eru saman alla tíðina.
HM-finalan verður spæld 19. juli í New Jersey.
Útmeldingin staðfestir tætt sambandið millum Donald Trump og Gianni Infantino. Í fjør handaðu teir eisini steypið saman til Chelsea, eftir at felagið hevði vunnið HM fyri feløg. Tá varð Trump standandi á pallinum, meðan liðskiparin hjá Chelsea, Reece James, lyfti steypið.
Seint í 2025 handaði Gianni Infantino eisini Donald Trump nýstovnaðu friðarheiðurslønina hjá FIFA.
