Íslendski landsliðsleikarin, Andrea Jacobsen, ið er av føroyskari ætt skrivaði í dag søgu við liðfeløgunum í Blomberg Lippe í bestu týsku hondbóltsdeildini.
Við sigri á heimavølli í triðju meistaraskapsfinaluni vann Blomberg Lippe 30-26 á Dortmund. Talan er um fyrsta meistaraheitið hjá Blomberg Lippe. Í steðginum var Blomberg Lippe á odda 13-12.
Andrea skoraði trý mál upp á fýra málroyndir.
Dortmund vann fyrstu finaluna á heimavølli 28-27, og Blomberg Lippe vann aðru finaluna á heimavølli, somuleiðis 28-27. Sostatt vann Blomberg Lippe finaluuppgerðina 2-1.
Andrea, ið er 27 ára gomul fer komandi kappingarár at spæla við ÍBV í bestu íslendsku hondbóltsdeildini.
##med2##
