Elias Ellefsen á Skipagøtu og liðfelagarnir í THW Kiel fyrireika seg til komandi kappingarárið.
Fyrrakvøldið spældi Kiel venjingardyst á útivølli móti Stralsunder HV, ið spælir i triðbestu týsku hondbóltsdeildini.
Kiel vann frammanfyri einari fullsettari høll 43-30. Í steðginum var Kiel á odda 22-14.
Elias gjørdist við seks málum næstbesti málskjúttin hjá Kiel. Toppskjútti var ungarski, Zoran Imre við níggju málum.
Í Kiel fegnast tey um, at nýggju leikararnir Veron Nacinovic og Lukas Laube avrikaðu væl í dystinum.
