Tíðindaskriv, Tvøroyrar kommuna:
Franska marglætisferðamannaskipið le Bellot er í løtuni ávegis til Trongisvágsfjørð. Við skipinum eru 126 ferðafólk og lagt verður at uml. 12:30.
Skipið er bygt í 2020 og hoyrir til reiðaríið Ponant. Le Bellot er 131 metrar langt og manningin telur 110.
Snotiliga le Bellot hevur vitjað á Tvøroyri áður og kemur aftur, eftir ætlan, bæði í 2027 og 2028.
Komandi dagarnir fær Tvøroyri vitjan av enn tveimum ferðamannaskipum, tá Sea Spirit, hjá Poseidon Expeditions og le Lyrial, hjá Ponant, vitja. Hesi koma ávíkavist 24. og 27. mai.
Ferðamannaaskipini eru altíð eitt greitt tekin um, at summarið av álvara nærkast og vit vóna at gestirnir fáa eina góða uppliving, meðan tey vitja í oynni.
Her ber til at síggja myndir innan úr skipinum https://en.ponant.com/cruise-ships/le-bellot
