Í løtuni eru fýra partrolarapør til fiskiskap á landgrunninum. Teir fiska upsa og fáa eisini nakað av hvítfiski.
- Eitt partrolarapar er á Íslandsrygginum og fiskar tosk, vita tey á Fiskamarknaði Føroya at siga.
Fýra djúpvatnstrolarar eru eisini á Íslandsrygginum. Teir fiska tosk og fáa eisini nakað av svartkalva og blálongu.
- Tveir av djúpvatnstrolarunum koma inn at landa mánadagin. Hinir landa neyvan fyrr enn í aðru viku.
Um teir smáu trolbátarnar verður sagt, at tveir eru á Skeivabanka og fiska havtasku.
- Tvey garnaskip fiska svartkalva. Skipini hava smáligan fiskiskap, men bæði koma inn at landa í næstu viku, verður lagt aftat.
