Tveir teir seinastu dystirnar er Hanus Sørensen byrjaður inni fyri NK Triglav í næstbestu slovensku fótbóltsdeildini.
Tað hevur tó gingið illa hjá NK Triglav í hesum báðum dystunum. Leygarkvøldið tapti NK Triglav á útivølli 0-2 (0-1) fyri Grosuplje.
Í farnu viku taptu Hanus og liðfelagarnir 1-2 (1-1) fyri Beltinci á heimavølli.
NK Triglav er á einum ellinta plássi í deildini við trimum stigum fyri tríggjar dystir.
Grosuplje er fremst í deildini við níggju stigum.
Bert tað fremsta liðið flytur beinleiðis upp í bestu deildina aftaná lokið kappingarár. Næstfremsta liðið má spæla dystir móti næstaftasta liðnum í bestu deildini um rættin at spæla í bestu deildini.
Komandi leygardag spælir NK Triglav dyst á útivølli móti Ilirija.
