Ein 65 ára gamal maður doyði í gjárkvøldið í einum ferðsluvanlukku á Roskildevej í Keypmannahavn. Maðurin var í ferð við at koyra ein barnavogn í bilin, sum hann júst hevði keypt soninum og verdóttrini.
Tað sigur sonurin Ali Hamrazpour við TV 2.
- Hann var so stoltur og glaður fyri, at hann hevði fingið loyvi at keypa barnavognin. Tað endaði við at vera jarðarferðin hjá honum, sigur sonurin við TV 2.
Ali Hamrazpour sigur, at tað var eitt brak, og hann hoyrdi eitt róp frá konu síni, sum eisini varð rakt, men slapp við einum brotnum beinin.
- Tað var so brutalt. Tað vóru so nógv ljóð og skríggj og vónloysi, og knappliga sigur kona mín: hvar er pápi tín?, sigur sonurin við TV 2.
Vanlukkan hendi nærhendis BabySam handlinum.
Ali Hamrazpour sigur við TV 2, at kona hansara er sjey mánaðir við barn. Hon hevur verið skurðviðgjørd og liggur framvegis á sjúkrahúsinum.
- Tað kundi verið eitt dupult dráp. Tað var so heppið, at airbaggin var útloyst, tí so hevði hon rakt búkin og dripið barn okkara, sigur Ali Hamrazpour.
17 ára gamli drongurin, sum verður hildin at hava koyrt Porsche-bilin, sum rakti tey bæði fólkini, skal avhoyrast í grundlógaravhoyring seinnapartin. Her fer ein ákæri helst at krevja, at drongurin verður varðhaldsfongslaður.
/Ritzau/
