Sunnudagin 25. mai kl. 15 ber til at uppliva altjóða viðurkenda klaverleikaran og støddfrøðingin Laura Farré Rozada í Norðurlandahúsinum í sambandi við Summartónar 2026.
Laura Farré Rozada er klaverleikari, støddfrøðingur og granskari og er kend fyri sítt arbeiði í møtinum millum tónleik og støddfrøði, har hon granskar sambond millum mynstur, bygnað og musikalskan form. Hon hevur fingið nógvar altjóða virðislønir, millum annað "Rising Star" frá BBC Music Magazine og "New Talent" frá BIME Equity Awards, og er blivin umrødd sum ein av viðurkendastu listafólkunum í sínum ættarliði.
Tá ið hon framførir í Norðurlandahúsinum, verða klassisk verk við nýggjum og norðurlendskum røddum á skránni. Áhoyrararnir fara at uppliva Seven Songs for Piano eftir Komitas, Toccata eftir Dimitar Nenov (føroysk frumframførsla), umframt 7 Bagatellen eftir Sunleif Rasmussen, har verkið Spielerei hevur heimsfrumframførslu. Konsertin endar við Pour le piano eftir Claude Debussy.
Við sínum tekniska neyvleika og listaliga forvitni setur Laura Farré Rozada eina konsertskrá saman, har musikalsk siðvenja og modernað úttrykk renna saman í einum livandi og granskandi klaverheimi.
Konsertin er ókeypis og verður í Norðurlandahúsinum 25. mai kl. 15.
