Amerikanski uttanríkisráðharrin, Marco Rubio, fer í næstu viku til Vatikanið og Italia at luttaka á ymiskum fundum.
Tað skriva bløðini La Repubblica og Corriere della Sera, sambært tíðindastovuni Reuters.
Ein ónevnd kelda frá italsku stjórnini sigur eisini við AFP, at Rubio fer at vitja Vatikanið, sum er eitt sjálvstøðugt ríki, og høvuðsstaðin Rom í næstu viku.
Verða fundirnir, verða teir eftir at amerikanski forsetin, Donald Trump, harðliga fanst Leo páva í apríl.
Í einum uppslagi á sínum sosiala miðli, Truth Social, lýsti hann pávan sum veikan, "tá tað snýr seg um brotsverk".
Hetta hendi, eftir at leiðarin í katólsku kirkjuni finst at uttanríkis- og tilflytarapolitikkinum hjá forsetanum, m.a.
Leo pávi, sum er kendur fyri at velja síni orð varliga, er vorðin ein bersøgin kritikari av amerikanska-ísraelska krígnum móti Iran, sum byrjaði 28. februar.
Tað er ikki greitt, um Rubio skal hitta pávan. Men hann fer væntandi at hitta Pietro Parolin kardinalin.
Marco Rubio hitti Leo páva seinast í mai 2025, tá hann var við til vígslu hansara. Sama gjørdi varaforsetin J.D.
Uttanríkisráðharrin fer at hitta uttanríkis- og verjumálaráðharrarnar í Italia, skriva tey bæði bløðini.
Tey boða eisini frá, at ferðin hevur til endamáls at lætta um spenningin millum londini, eftir at Trump hevur kritiserað italska forsætisráðharran, Giorgia Meloni.
Italski leiðarin hevur verið ein sterkur stuðul hjá Trump. Hon hevur tó funnist at hansara avgerð um at fara í kríggj í Iran, og í apríl kallaði hon kritikkin hjá Trump móti Leo páva óhóskandi.
Trump sigur við Corriere della Sera, at Meloni er "óhóskandi, tí hon er ikki ørkymlað av, at Iran hevur kjarnorkuvápn og vildi sprongt Italia í luftina upp á tveir minuttir, um tey fingu møguleikan".
Ein fundur millum Rubio og Meloni er ikki útilokaður, skrivar La Repubblica.
Hvørki amerikanska uttanríkisráðið, tíðindastovan í Vatikaninum ella italska stjórnin hava gjørt viðmerkingar til fráboðanirnar.
/Ritzau/
