Samstundis, sum talið av deyðum eftir herviliga jarðskjálvtan í Venesuela veksur, senda fleiri og fleiri lond hjálp til vanlukkurakta landið.
Í morgun veit norska kringvarpið - NRK - at siga, at talið av deyðum higartil er komið upp á 235 - og í minsta lagi 4300 hava fingið løstir.
Fólk í túsundatali eru saknað, og myndugleikarnir í Venesuela siga, at talið av deyðum fer at veksa.
Bæði bjargingarlið og sjálvboðin leita eftir deyðum og løstaðum í leivdunum, eitt nú í høvuðsstaðnum, Karakas og Caraballeda.
Fleiri long hava sent bjargingarhjálp til Venesuela, eitt nú Kolumbia, Chili, El Salvador, Týskland og USA.
Í leitanini eftir løstaðum og deyðum telur hvør minuttur.
Myndugleikarnir í Venesuela stúra fyri, at talið av deyðum fer at veksa, tí talið av saknaðum er stórt.
Mong liggja undir knústu bygningunum, og oyðileggingarnar í landinum eri øgiligar, soleiðis sum myndin omanfyri er eitt dømi um.
##med2##
